Translate to your language

Monday, 17 July 2017

God, Messenger & Heaven - part 1 | When Ethics Strike : Kerala Nurses Edition - Fejo | Malayalam Write Ups

God, Messenger & Heaven - part 1 | When Ethics Strike : Kerala Nurses Edition
ദൈവവും, ദൂതനും, അവരുടെ സ്വര്‍ഗ്ഗവും - പാര്‍ട്ട്‌ 1


സ്വർഗവാതിൽ തുറന്ന്, കിതച്ചുകൊണ്ട് ഓടിക്കയറിയ ദൂതൻ കണ്ടത് സിനിമ കണ്ടുകൊണ്ടിരിക്കുന്ന ദൈവത്തെ ആയിരുന്നു.

ദൂതൻ ഒരു ആമുഖത്തോടെ തുടങ്ങി : ദൈവമേ... ഇതേതാ പടം ??

ദൈവം : ഇംഗ്ലീഷാ... ഡാവിഞ്ചി കോഡ് !!

പേര് കേട്ടതും ദൂതൻ ചെറുതായി ഞെട്ടി, നെറ്റി ചുളിച്ചു, പുരികം വളച്ചു നിന്നു.

ദൂതന്‍റെ റിയാക്ഷൻ കണ്ട ദൈവം (കളിയാക്കികൊണ്ട്) : ഹെയ്... ഇതു അതല്ല... നല്ല പടം ;)

ദൂതൻ : എന്‍റെ പൊന്നു ദൈവമേ, അതെനിക്കറിയാം... പക്ഷെ ഡാവിഞ്ചി കോഡ് എന്നു പറയുമ്പോ,
അതു സഭ നിരോധിച്ച പടമല്ലേ... അതു കാണുന്നത് നമുക്ക് ഭൂഷണമാണോ ??

ദൈവം : എടോ ഭോഷാ... എന്തുകൊണ്ട് നിരോധിച്ചു എന്നറിയാൻ വേണ്ടി കണ്ടതാ...
പക്ഷെ സമ്മതിക്കണം, പടം ഉണ്ടാക്കിയവന്‍റെ 'ഭാവന' !!

ദൂതൻ : 'Imagination' എന്ന വാക്ക് ഉപയോഗിച്ചാൽ മതി. ഇല്ലേൽ അകത്തു പോകും !!

ദൈവം (നന്നായി ആലോചിച്ച്) : ഓഹ്.. അങ്ങനെ... ഓക്കെ... ആഹ് പിന്നെ... ഈ പടത്തിന്‍റെ 2nd പാർട്ട് ഇറങ്ങിയിട്ടുണ്ട്...
താൻ പോയി അതിന്‍റെ CD കൊണ്ടുവാ... പടത്തിന്‍റെ പേര് 'Angels & Demons' !!

ദൂതൻ (വീണ്ടും ഞെട്ടി) : ഞാൻ പറയാൻ വന്ന കാര്യം ദൈവത്തിനു എങ്ങനെ മനസ്സിലായി ??

ദൈവം (സംഭവം മനസ്സിലാതെ) : ങ്ങേ... അത്... ആഹ്... എല്ലാം അറിയുന്നവൻ സാക്ഷി എന്നാണല്ലോ...
താൻ ഞെട്ടിക്കോണ്ട് നിൽക്കാതെ കാര്യം പറ... ഏത് Angels, ഏത് Demons ??

ദൂതൻ (ഒരു നിശ്വാസത്തോടെ) : ദൈവമേ... മാലാഖമാർ സമരത്തിലാണ് !!

ദൈവം (ഞെട്ടലോടെ) : എന്‍റെ ഈശ്വരാ... അവർക്ക് വേണ്ടതെല്ലാം ഞാൻ provide ചെയ്യാറുണ്ടല്ലോ... പിന്നെ എന്തിനാ സമരം ??

ദൂതൻ : ഓഹ്... ഇവിടുത്തെ മാലാഖമാരുടെ കേസ് അല്ല... നമ്മുടെ ഭൂമിയിലെ മാലാഖമാർ... നഴ്സുമാർ... അവരുടെ സമരം !!

ദൈവം : ഓക്കെ... ആ angels... ശരി, അപ്പൊ demons എന്തു പറയുന്നു ??

ദൂതൻ : ഹോസ്പിറ്റൽ മാനേജ്മെന്‍റ് കടുംപിടുത്തത്തിലാണ് പ്രഭോ...

ദൈവം : ശമ്പളം ഒന്നും കൂട്ടി കൊടുത്തില്ലേ ??

ദൂതൻ : ഹും, പലർക്കും കഴിഞ്ഞ മാസങ്ങളിലെ ശമ്പളം തന്നെ തികച്ചു കിട്ടിയിട്ടില്ലാ എന്നാ കേൾക്കുന്നെ...

ദൈവം : എടോ, ഇത് നമ്മളെ ബാധിക്കുന്ന പ്രശ്നം ആണോ ??

ദൂതൻ (പുഞ്ചിരിച്ചുകൊണ്ട്) : ഒട്ടുമിക്ക നഴ്സുമാരും രോഗികളെ തങ്ങളുടെ ഉറ്റ ബന്ധുക്കളെപ്പോലെ സ്നേഹിക്കുന്നു.
മറ്റുള്ളവരുടെ വേദനകളെ സ്വന്തം വേദനയായി കണക്കാക്കി, അവരെ പരിചരിക്കുന്നു...
മനുഷ്യർ അവരെ ആദരിക്കുന്നുണ്ട്... എന്നാൽ അർഹിക്കുന്ന കൂലി, അതു അവർക്ക് ലഭിക്കേണ്ടേ ??

ദൈവം : അതൊക്കെ ഓക്കെ... പക്ഷെ ഈ പ്രശ്നം നമ്മളെ എങ്ങനെ ബാധിക്കാനാ ??

ദൂതൻ (വിനയത്തോടെ) : പ്രഭോ... 'nurse' എന്ന വാക്കിന് 'പോറ്റമ്മ' എന്നൊരു അർത്ഥം കൂടിയുണ്ട്...
സ്നേഹം ആണ് നഴ്സുമാരുടെ രൂപം... കാരുണ്യം ആണ് അവരുടെ ചിഹ്നം,
എന്നാൽ 'മരണം വരെ സമരം' എന്നതാണ് ഇപ്പോൾ അവരുടെ മുദ്രാവാക്യം !!
വേദനയിൽ മനം നൊന്ത്, ഭൂമി വിട്ട് ഇവർ പോയാൽ, ഇവർക്കായി സ്വർഗത്തിൽ ഇരിപ്പിടം ഒരുക്കേണ്ടതുണ്ട്...
ഈ പ്രശ്‌നത്തിന് നമ്മളുമായുള്ള ബന്ധം ഇപ്പോൾ അങ്ങേയ്ക്കു മനസിലായില്ലേ...

ദൈവം (ഒന്നു ആലോചിച്ച്) : ഉം... മാത്രമല്ല, നമ്മളെ ഓർത്തു പ്രാർത്ഥിച്ചു കേഴുന്ന ഒരുപാട് രോഗികൾക്കും, അവരുടെ കുടുംബാംഗങ്ങൾക്കും, ഇവരിൽ നിന്നു ലഭിക്കുന്ന കരുതലും, തുണയും ഇനിയും തുടരേണ്ടതുണ്ട്...
ഹും... അധികാരികൾ എന്തു പറയുന്നു ??

ദൂതൻ : നഴ്സുമാർക്ക് പകരം നഴ്സിങ് വിദ്യാർഥികളെ രംഗത്തിറക്കാനാണ് ചിലരുടെ പരിപാടി !!

ദൈവം : ഈശ്വരാ... കൊച്ചി മെട്രോയുടെ extension ജോലികൾ എൻട്രൻസ് കോച്ചിങ്ങിന് പോണ പിള്ളേരെ ഏൽപ്പിക്കുന്ന പോലെ...

ദൂതൻ (ഇടയിൽ കേറി) : അങ്ങനെ അധിക്ഷേപിക്കേണ്ട... നഴ്സിങ് വിദ്യാർഥികൾ സമരത്തിന്
ഐക്യദാർഢ്യം പ്രഖ്യാപിച്ച് മുൻനിരയിൽ തന്നെ ഉണ്ട് !!

ദൈവം : ഹ ഹ... കൊള്ളാം... അതു കലക്കി... പക്ഷെ ഞാൻ ഇപ്പൊ എന്ത് ചെയ്യണമെന്നാ നിങ്ങൾ പറയുന്നേ ??

ദൂതൻ : ഒന്നും വേണ്ടാ... ഇവരുടെ സത്യാവസ്ഥ മനസിലാക്കി, വേണ്ടത് ചെയ്യാൻ,
ഒരു ആശുപത്രി അധികാരിയുടെ മനസ്സിലെങ്കിലും, ഒരു ഉൾവിളി തോന്നിച്ചാൽ മതി...

ദൈവം (ആലോചിച്ചുകൊണ്ട്) : ശരി, സന്തോഷത്തോടെ പൊയ്ക്കൊള്ളുക... നീതിക്കായി പോരാട്ടം തുടരാൻ നഴ്സുമാരോട് പറയുക...
നല്ലവരായ ജനങ്ങളും, അധികാരികളും അവരോടൊപ്പം ഉണ്ടെന്നു ഓർമ്മിപ്പിക്കുക... നല്ലതു വരട്ടെ...
'പിക്ചർ അഭി ഭീ ബാക്കി ഹേ' എന്നല്ലേ...

തൊഴുതുകൊണ്ട് മടങ്ങുന്ന ദൂതനെ നോക്കി പുഞ്ചിരിക്കുകയാണ് ദൈവം !!

മറുപുറം - എഴുത്തുകാരന്‍റെ ഓർമകൾ കൂടി കുറിച്ചുകൊള്ളട്ടെ... ആരോഗ്യ പ്രശ്നങ്ങളാൽ തളർന്ന എന്നെയും,
എന്‍റെ അമ്മയെയും, രോഗപീഡയിൽ വശംകെട്ട എന്‍റെ അച്ഛനെയും, അപകടത്തിൽ വീണുപോയ അനിയനെയും,
പ്രത്യാശ, പരിചരണം എന്നിവ നൽകി, ജീവിതത്തിലേക്ക് തിരികെ കൊണ്ടുവന്നവരാണ് നഴ്സുമാർ...
ഏറണാകുളം ലിസ്സി, ലേക്ക്‌ഷോർ ആശുപത്രികളിലെ സ്നേഹനിധിയായ നഴ്സുമാരെ നന്ദിയോടെ ഓർക്കുന്നു...
നീതിക്കായി പോരാടുന്ന UNA'യിലെ എല്ലാ നഴ്സുമാർക്കായി സമർപ്പിക്കുന്നു...

(എന്‍റെ 4 കസിൻ ചേച്ചിമാർ നഴ്സിങ് ഫീൽഡിൽ ആണ് എന്ന് കൂടി പറഞ്ഞു കൊള്ളട്ടെ...)

ദൈവത്തിന്‍റെയും, ദൂതന്‍റെയും, അവരുടെ സ്വർഗ്ഗത്തിന്‍റെയും കഥ തുടരും....

ഫെജോ | FEJO
@officialFejo #mallurapper
#GodMessengerandHeaven #GMH #WhenEthicsStrike #KeralaNurses

Thursday, 6 July 2017

Meat Animals Assemble 2 | മീറ്റ് അനിമൽസ് അസംബിൾ 2 - The Conclusion - Fejo | Malayalam Write Ups

Meat Animals Assemble 2 | മീറ്റ് അനിമൽസ് അസംബിൾ 2 - The Conclusion



ദേവാസുരം കാണാതെ രാവണപ്രഭു കാണരുത്...
റാംജിറാവു കാണാതെ മാന്നാർ മത്തായി കാണരുത്...
അതുപോലെ, 'മീറ്റ് അനിമൽസ് അസംമ്പിൾ' the beginning വായിക്കാതെ
അതിന്‍റെ conclusion വായിക്കരുത്...

അത് വായിക്കാൻ - http://fejostudiotenet.blogspot.in/2017/06/MeatAnimalsAssemble-Fejo.html

(കഥ തുടരുന്നു...)
തർക്കത്തിനിടയിലും കോഴിയുടെ ശബ്ദം ഉയർന്നു കേട്ടു : താറാവിനും കൂടി വേണ്ടിയാടോ ഞാൻ ഇവിടെ സംസാരിച്ചത്. അവസാനം നിങ്ങള്‍ നാൽകാലികൾ ഒക്കെ കൂടെ ഞങ്ങളെ തേച്ച്...

എരുമ : എന്‍റെ കോഴി... കേന്ദ്ര സർക്കാർ ഇങ്ങനെ ഉത്തരവ് ഇറക്കുമ്പോൾ ഞങ്ങൾ എന്തു ചെയ്യാനാ...

കോഴി : തനിക്കു അതു പറയാം. ഒരു കല്യാണ ഫങ്ഷനിൽ വന്നവർക്കെല്ലാം ഫുഡ് കൊടുക്കാൻ തന്നെപ്പോലുള്ള 2 എണ്ണത്തിനെ തട്ടിയാൽ മതി. ഞങ്ങൾ കോഴികളുടെ കേസ്സ് എങ്ങനാ...
50-100 ജീവനുകൾ ഒറ്റയടിക്ക് പോകും !! പോട്ടെ, ഞങ്ങടെ അടുത്ത തലമുറയെ,
ഞങ്ങടെ സ്വന്തം മക്കളെ കണ്ടിട്ടു കണ്ണടക്കാം എന്നു വിചാരിച്ചാലോ,
ഈ മനുഷ്യന്‍റെ മക്കള് മുട്ടയും അടിച്ചോണ്ടു പോകും, ഓംലെറ്റ് ഉണ്ടാക്കാൻ...
KFC'യിൽ കിടന്നു മൊരിയുന്ന ഞങ്ങടെ വേദന മനസിലാക്കാൻ നിങ്ങൾക്ക് കഴിയില്ല...
അതു കൊണ്ടു ഈ ചർച്ചയിൽ നിന്നു നുമ്മ പോണെയാണ്...
ഇനി ഒരു തിരിച്ചുവരവ്‌ ഉണ്ടാകില്ല ശശിയേ...

പോത്ത് ഹാലിളകി കൊണ്ടു പറഞ്ഞു : നീ പോടാ നേര്‍ച്ചക്കോഴി...

കലങ്ങിയ നെഞ്ചുമായി നടന്നു അകലുന്ന കോഴിയെ കണ്ടു ഒട്ടകം മറ്റു മൃഗങ്ങളോടായി പറഞ്ഞു : നിങ്ങൾ കോഴിയെ അങ്ങനെ അധിക്ഷേപിച്ചത് ശരിയായില്ല പുള്ളേ... ഒന്നുമില്ലെങ്കിലും ഞമ്മള് പണ്ട് ഗൾഫിൽ ആയിരുന്നപ്പോൾ ഞമ്മക്കടെ അറബി മുതലാളിമാർക്ക്എന്നും സ്നേഹത്തോടെ ഡിന്നർ ഒരുക്കിയിരുന്നവരാണ് കോഴികൾ...

പശു : അതിനു ??

ഒട്ടകം : ഇന്ന് നിങ്ങൾ കോഴിയോട് കാണിച്ച ഈ വിവേചനം,
'കശാപ്പു ചെയ്യാനാകാത്ത മൃഗങ്ങളുടെ ലിസ്റ്റിൽ' കഷ്ടിച്ചു കടന്നു കൂടിയ എന്നോട്, നാളെ കാണിക്കില്ല എന്നാര് കണ്ടു...
അതുകൊണ്ടു ഞമ്മ ഈ ചർച്ചയിൽ നിന്നും,
ഈ സംഘടനയിൽ നിന്നും വിട്ടു പോണെയാണ്... സലാം...

പടിയിറങ്ങുന്ന ഒട്ടകത്തെ കണ്ടു സന്തോഷത്തോടെ പോത്ത് അമറി : പോടാ കൂനാ... എങ്ങോട്ടേലും പോടാ...

കാള : പോകുന്നവർ പോകട്ടെ... നമുക്ക് ചർച്ച തുടരാം...
(പെട്ടന്ന് മുഖഭാവം മാറുന്നു)
ങേ... അതാരാ ആ വരുന്നേ ??

കോഴിയും ഒട്ടകവും ഇറങ്ങിപ്പോയ വാതിലിലൂടെ കടന്നുവരുന്ന ആ ഇരുകാലിയെ കണ്ടു അവിടെ ഉണ്ടായിരുന്ന മൃഗങ്ങൾ ഞെട്ടി...
അതൊരു മനുഷ്യൻ ആയിരുന്നു....

മനുഷ്യൻ : നല്ല നമസ്ക്കാരം

ഇരുകാലിയെ കണ്ടു പൊത്തിനു പിന്നേം ഹാലിളകി : നീ ഇതു എവിടുന്നു വന്നെടാ മരഭൂതമേ... മനുഷ്യ മൃഗമേ...

മനുഷ്യൻ ചിരിച്ചു കൊണ്ട് : നിങ്ങൾ ആരും ഭയപ്പെടേണ്ടാ...
ഞാൻ ഒരു മൃഗ സ്നേഹിയാകുന്നു....

'ഭയാനക' രസം നിറഞ്ഞ മൃഗ മുഖങ്ങളിൽ 'ശാന്ത' രസം തെളിഞ്ഞു...

എരുമ : ബ്ലഡി ഫൂള്‍... പേടിപ്പിച്ചു കളഞ്ഞല്ലാഡോ... മൃഗ സ്നേഹിയാണല്ലേ... എങ്കിൽ ഇരിക്കൂ... ഞങ്ങളുടെ ചർച്ചയിൽ പങ്കെടുക്കൂ...
എന്താണ് സർക്കാരിന്‍റെ പുതിയ മൃഗ സംരക്ഷണ നിയമത്തെ പറ്റിയുള്ള താങ്കളുടെ വിലയിരുത്തൽ ??

മനുഷ്യൻ : ആഹ്... ആ നിയമത്തിൽ വന്ന പുതിയ മാറ്റം നിങ്ങളെ അറിയിക്കാൻ വേണ്ടിയാണ് ഞാൻ വന്നത്...

പോത്ത് ഞെട്ടി : എന്തു മാറ്റം ??

മനുഷ്യൻ : നേരത്തെ ഇറങ്ങിയ കശാപ്പു നിരോധന ലിസ്റ്റ് ഇല്ലേ...
അതിൽ നിന്നു എരുമയെയും പോത്തിനെയും സര്‍ക്കാര്‍ ഒഴിവായി എന്ന്...

പോത്ത് : അയ്യോ...

എരുമ : എന്‍റമ്മേ...

പശു : ആരും പേടിക്കേണ്ടാ... ഈ മനുഷ്യൻ നമ്മുടെ യൂണിറ്റി തകർക്കാൻ വേണ്ടി ഇല്ലാക്കഥ പറയുകയാണ്...

മനുഷ്യൻ : സംശയം ഉണ്ടേൽ നീ ആ ട്വിറ്റർ എടുത്തു ഒന്നു നോക്കു കാളെ...

മൊബൈലിൽ നോക്കി കാര്യം മനസിലാക്കിയ കാള ഞെട്ടലോടെ : ശരിയാണ്... കശാപ്പു നിരോധന നിയമത്തിൽ കേന്ദ്ര സർക്കാർ ഭേദഗതി വരുത്തി... (തൊണ്ടയിലൂടെ വെള്ളം ഇറക്കുന്ന ശബ്ദം)

എരുമ : എന്നിട്ടു ആരും പേടിക്കേണ്ട എന്നല്ലേ... പോത്തേട്ടാ...
ഒന്നും നോക്കണ്ടാ... ഓടിക്കോ...

എരുമയോടൊപ്പം ഓടുന്ന പോത്ത് : നിന്നെ ഞാൻ എടുത്തോളാമെടാ പശുവിനു ഉണ്ടായവനെ...

ബാക്കി മൃഗങ്ങളെയും പ്രാകി എരുമയും പോത്തും സ്ഥലം കാലിയാക്കി.

കാള : പോകുന്നവർ ഒക്കെ പോകട്ടെ... എന്തൊക്കെ വന്നാലും ഈ കാള കിടക്കും, കയറോടും... നിങ്ങൾ ആ കന്നുകാലി നിരോധന നിയമത്തിന്‍റെ
ബാക്കി പോയിന്‍റസ് പറ പശു....

പശു : ങ്ങാ... ശരി... ഇനി 6 മാസം കഴിഞ്ഞേ, നമുക്ക് ട്രാൻസ്ഫർ ഓർഡർ കിട്ടൂ !!

മനുഷ്യൻ : എന്താണെന്ന് ??

പശു : എടോ... ഞങ്ങളുടെ മേൽ ഓണർഷിപ്പ് ഉള്ള കർഷകന്
ഇനി 6 മാസത്തിനു ശേഷമേ ഞങ്ങളെ മറിച്ചു വിൽക്കാൻ പറ്റൂ എന്നു...

മനുഷ്യൻ : ആഹ്... ആ നിയമവും പോയി...

കാള : എവിടെ പോയെന്ന് ??

മനുഷ്യൻ : നിങ്ങൾ പറഞ്ഞു വരുന്ന പുതിയ കേന്ദ്ര സർക്കാർ നിയമം,
നമ്മുടെ മദ്രാസ് ഹൈക്കോടതി സ്റ്റേ ചെയ്തു... ഇനിയെല്ലാം പഴയ പോലെ ആകും...

പശു : ഗോമാതാവേ... ഇതിനെ മറികടക്കാൻ ഞങ്ങള് എന്തു ചെയ്യണം ??

മനുഷ്യൻ : മദ്രാസ് ഹൈക്കോടതിയുടെ സ്റ്റേ ഓർഡറിന്,
സുപ്രീംകോടതിയിൽ പോയി ഒരു സ്റ്റേ കൊടുത്താൽ മതി !!

കാള : ഇതും പറഞ്ഞു നമ്മൾ ഇവിടെ 'സ്റ്റേ' ചെയ്യുന്നത് അത്ര സേഫ് അല്ലാ...

പശു : അതേ... എടോ മനുഷ്യാ, താൻ ഒരു മൃഗസ്നേഹി അല്ലെ...
തനിക്കു ഞങ്ങളെ രക്ഷിക്കാൻ ആകുമോ ?? അതു പോട്ടെ,
തനിക്ക് യേത് മൃഗത്തിനെയാണ് കൂടുതൽ ഇഷ്ടം ?? പശുവാണോ, ആടാണോ, പന്നിയാണോ ??

മനുഷ്യൻ : പശു, ആട്, പന്നി... ഇവയെക്കാൾ എനിക്കിഷ്ടം ബീഫും, മട്ടണും, പോർക്കുമാണ്...

ഞെട്ടിത്തെറിച്ചു കൊണ്ടു കാള : കള്ള പന്നി... എന്നിട്ടു താൻ എന്തിനാടോ ഇങ്ങോട്ടു വന്നത് ??

ചിരിച്ചു കൊണ്ട് മനുഷ്യൻ : കശാപ്പു നിരോധനത്തിന് സ്റ്റേ ഓർഡർ കിട്ടിയ സ്ഥിതിക്കു അതൊന്നു ആഘോഷിക്കാൻ, ഒരു ബീഫ് ഫെസ്റ്റിവൽ നടത്താനുള്ള ഇറച്ചി നോക്കി ഇറങ്ങിയതാ !!

പശു : കടവുളേ... രക്ഷയില്ലാ... ടിപ്പിക്കൽ മലയാളീ !!

കാള : പ്രതിഷേധിക്കാൻ ബീഫ് ഫെസ്റ്റിവൽ, പ്രതിഷേധം സക്സസ്സ് ആയാൽ
അതിനും ബീഫ് ഫെസ്റ്റിവൽ !! മടുത്തൂ ഈ ജീവിതം...

പശു : ഒന്നും ആലോചിക്കാൻ ഇല്ല... എസ്കേപ്പ്...
ഹും... ഗുജറാത്തിലേക്ക് തന്നെ വിടാം... ഏതു വഴി പോകണം കാളെ ??

കാള : കണ്ണൂര് വഴി പോകാം...

പശു : കണ്ണൂര് പോയാൽ അവിടുള്ള യൂത്തൻമാര് പബ്ലിക് ആയി, നടു റോഡിൽ ഇട്ടു നമ്മളെ അറഞ്ചം പുറഞ്ചം കശാപ്പു ചെയ്തു കൊന്നു പ്രതിഷേധിക്കും... അതിലും ഭേദം അറബിക്കടലിൽ ചാടുന്നതാ...
കാളക്കുട്ടീ... വിട്ടോടാ...

പശുവിനൊപ്പം ഓടിമറയുന്നത്തിനിടയിൽ മനുഷ്യനെ നോക്കി
കാള ഇങ്ങനെ പറയുന്നത് കേൾക്കാമായിരുന്നു : ഒന്നിലെങ്കിൽ
ഞങ്ങ മൃഗങ്ങളുടെ IQ നിങ്ങ മനുഷ്യരുടെ ലെവൽ വരെ ഉയരണം...
അല്ലെങ്കിൽ, നിങ്ങ മനുഷ്യര് ഞങ്ങടെ ലെവൽ വരെ താഴണം...
ഇതു രണ്ടും നടക്കാത്തിടത്തോളം കാലം, നമ്മളില്ലേ !!

ചർച്ച അലസുകയാണ്... മൃഗ സംഘടന പൊളിയുകയാണ്... മനുഷ്യൻ പിന്നേം ചിരിക്കുകയാണ്...
വേറെ ഏതെങ്കിലും സംരക്ഷണ നിയമം ഇനി വന്നാല്‍, ഒരു മൂന്നാം അങ്കത്തിലൂടെ അവയെ നേരിടാം എന്ന പ്രതീക്ഷയോടെ...

(ശുഭം)

ഫെജോ | FEJO
@officialFejo #Fejo #mallurapper
#MeatAnimalsAssemble

Tuesday, 20 June 2017

Fejo - Keralathe Pakistan Aakkalle (Malayalam Rap) കേരളത്തെ പാകിസ്ഥാന്‍ ആക്കല്ലേ | official video

Kerala, our blessed state, famous for its literacy & religious equality, wont promote stupidities from any 4th grade Medias...
don't ruin the peaceful atmosphere here, its a humble request
its a small work done with zero budget... please support this attempt & help our protest reach the officials...

follow us in facebook - https://www.facebook.com/officialfejo
subscribe us for more - https://www.youtube.com/channel/UCKYUaoa1gYJALSnf7YyHx5w
https://goo.gl/ery2vb
official video in youtube - https://youtu.be/QXWkuvNlZfE
check out full lyrics - http://ow.ly/mPvH30cvFx9



വേണ്ടത് വികസനവും സൗഹാര്‍ദവും അല്ലേ, വിവാദങ്ങള്‍ അല്ലല്ലോ...
a small music video attempt... framing some amateur footages ;)
ആരെയും ലക്‌ഷ്യം വെച്ചുള്ള കുറ്റം പറച്ചിലല്ല, എല്ലാവരുടെയും ഒപ്പം നിന്നുള്ള ഓര്‍മ്മപ്പെടുത്തല്‍...



video in Facebook - http://ow.ly/3l8e30cLrrl
free download this mp3 - http://ow.ly/ud6n30cLsis or https://www.mediafire.com/?r96sr7jiu6z50jz
mallurapper - http://ow.ly/UV2Z30cLsh1
full video download for whatsapp/android users -
soundcloud - http://ow.ly/CYTz30cLrqD
audiomack - http://ow.ly/I4PL30cLqAv
reverbnation - http://ow.ly/2r4J30cLrpE
full lyrics in lyrical kumaran - http://ow.ly/sgd230cLrZZ


മിണ്ടാതിരിക്കാന്‍ നമുക്ക് ആവില്ലാ... frustration പറഞ്ഞു തീര്‍ക്കാതെ വയ്യ...
തന്ത്രങ്ങള്‍ ഏല്‍ക്കാതെ ആകുമ്പോള്‍, കേരളത്തെ പാകിസ്ഥാന്‍ ആക്കല്ലേ !!
new Malayalam Rap Song #KeralathePakistanAakkalle
3rd single off FEJO's #deergaveekshanam album
അപ്പൊ എങ്ങനെ, കൂടെ ഉണ്ടാകില്ലേ :) #mallurapper

guys, please don't re-upload this video in anywhere in internet like youtube channels & in facebook pages too... its copyrighted...
please do share this original video link in your Facebook, Whtasapp groups. its a humble request from the content creator...  please...
thanking you :) video is in Malayalam language, so if u can, please help me to type in the english captions...
special thanks all people & political leaders who have reacted



credits -
rap vocals & lyrics - FEJO
cinematography - Ananth Mohan
featuring - Fejo & Anuraj
directed by - Fejo, Ananth & Anuraj
rhythm & keys - SID
edit & cuts - Fejo
label - Fejo Studio Tenet
supported by - Experiments Emotions Entertainments
thanks to - Vipin Joseph, Anand Sankar PS, Reshi (RPB Media)
youtube partner - ShowTimePort


here, in Kerala, rap & hip-hop genres are not in mainstream. so lets change the game :)
we are not professionals in creating music, but a great fan of Hip Hop/Rap artists.
keep supporting guys...

#KeralathePakistanAakkalle #MalayalamRap #TmesCow
#Fejo #mallurapper #deergaveekshanam